Kalakruti Media

  एकीकडे  मराठी चित्रपट देशविदेशातील चित्रपट महोत्सवांमध्ये बाजी मारत आहेत, तर दुसरीकडे बॅाक्स आॅफिसवर काही मराठी चित्रपट भरघोस कमाई करताना दिसत आहेत. त्यामुळे हिंदीपासून इतर भाषिक कलाकार मराठी सिनेसृष्टीकडे आकर्षित झालेले पहायला मिळत आहेत. यात आता प्रसिद्ध  बॉलीवूड अभिनेत्री एली आवराम  हे नाव देखील सामील झालं आहे. एव्हाना बॉलीवूड मध्ये आपला चांगला जम बसवलेली एली ‘ इलू इलू’  या मराठी चित्रपटाद्वारे मराठी सिनेसृष्टीत पदार्पण करणार आहे. फाळके फिल्म्स एण्टरटेन्मेंट प्रॉडक्शन आणि  अजिंक्य बापू फाळके दिग्दर्शित   ‘इलू इलू’  मनोरंजक लव्हस्टोरी ३१ जानेवारीला आपल्या भेटीला येत आहे.  या चित्रपटाचा रंगतदार टिझर एका शानदार सोहळ्यात प्रदर्शित करण्यात आला. चित्रपटातील  ‘इलू इलू’  या रोमँटिक गाण्यावर बहारदार परफॉर्मन्स करत एली आवरामने उपस्थितांची मने जिंकली.( Ilu Ilu Marathi Movie ) २०१३ मध्ये ‘मिकी व्हायरस’ या चित्रपटाद्वारे हिंदीत दाखल झालेल्या एलीनं आजवर ‘किस किस को प्यार करूं’, ‘नाम शबाना’, ‘प...

  बॉलिवूडमधील कलाकारांना नेहमीच विविध कारणांवरून ट्रोल केले जाते. त्यातही जर स्टार किड्स असतील तर त्यांना ट्रोल करणे खूपच सामान्य झाले आहे. कलाकार कधी कधी सार्वजनिक ठिकाणी जे बोलतात, वागतात किंवा इतर अनेक गोष्टींवरून त्यांच्यावर निशाणा साधला जातो. कधी कधी काही कलाकार या ट्रोलिंगकडे दुर्लक्ष करतात तर कधी कधी काही कलाकार ट्रोलर्सला सणसणीत उत्तर देखील देतात. मध्यंतरी अभिनेत्री सोनाक्षी सिन्हा ‘कौन बनेगा करोडपती’ या कार्यक्रमात पोहचली होती. या शोमध्ये तिला रामायणावर आधारित एक प्रश्न विचारण्यात आला त्या एका प्रश्नाचे ती उत्तर देऊ शकली नव्हती. त्यावरून जेष्ठ अभिनेते मुकेश खन्ना यांनी सोनाक्षीच्या वडिलांवर, ज्येष्ठ अभिनेते शत्रुघ्न सिन्हा यांच्यावरही टीका केली आहे. एका मुलाखतीमध्ये त्यांनी याबद्दल भाष्य केले. सिद्धार्थ कन्ननला दिलेल्या मुलाखतीत मुकेश खन्ना हे त्यांनी साकारलेली आणि अजरामर झालेली प्रसिद्ध ‘शक्तिमान’ ही भूमिका आजच्या पिढीसाठी किती महत्त्वाची आहे यावर बोलत होते. तेव्हा ते म्हणाले. “आजच्या मुलांना शक्तिमानच्या मार्गदर्शनाची खूप गरज आहे. १९७० च्या पिढीपेक्षा आजच्या काळात ही गरज...

हिंदी टेलिव्हिजन जगतातील अतिशय लोकप्रिय आणि प्रसिद्ध अभिनेत्री म्हणून अंकिता लोखंडेला ओळखले जाते. अंकिताने तिच्या पहिल्या ‘पवित्र रिश्ता’ या हिंदी मालिकेतून अफाट लोकप्रियता मिळवली. या मालिकेनंतर एका रात्रीत अंकिता घराघरात लोकप्रिय झाली. आज हीच अंकिता तिचा वाढदिवस साजरा करत आहे. या निमित्ताने जाणून घेऊया तिच्या संपूर्ण प्रवासाबद्दल. १९ डिसेंबर १९८४ रोजी इंदूरमधील एका मराठी मध्यमवयीन कुटुंबात अंकिताचा जन्म झाला. लहानपणापासून अंकिताला अभिनेत्री व्हायचे होते. हे स्वप्न पूर्ण करण्यासाठी अंकिता तिचे शिक्षण पूर्ण झाल्यानंतर मुंबईत आली आणि तिचा अभिनय प्रवास सुरु झाला. या क्षेत्रात येण्यासाठी, काम मिळवण्यासाठी आणि यश कमवण्यासाठी तिला खूप मेहनत घ्यावी लागली. अंकिता लोखंडे हे तिचे खरे नाव नसून, तिचे खरे नाव तनुजा लोखंडे असे आहे. मीडिया रिपोर्ट्सनुसार, मनोरंजन विश्वात पदार्पण करण्यापूर्वी अंकिताने तिचे नाव बदलले होते. अंकिता हे नाव तिचे कुटुंबीय तिला हाक मारण्यासाठी वापरायचे. मग तिने हेच नाव वापरण्याचे ठरवले. तिने तिच्या तनुजा या खऱ्या नावाऐवजी अंकिता या नावाने मनोरंजन विश्वात येण्याचा निर्णय घेतल...

  “ Lagaan ” (मुंबईत रिलीज १५ जून २००१) नंतरचा दिग्दर्शक  आशुतोष गोवारीकर चा चित्रपट कोणता याची उत्सुकता फारच वाढलेली. पूर्वप्रसिध्दी (त्यात आमिर खानने एका मुलाखतीत म्हटलं, लगानचा निर्मिती खर्च पंचवीस कोटी आहे. त्या काळात ही रक्कम प्रचंड मोठी वाटत होती. चित्रपट त्याच्या आमिर खान प्राॅडक्सन्सची निर्मिती.), त्याची पोस्टर्स व होर्डिग्ज (अतिशय कल्पक होती), त्याचे प्रदर्शन (इराॅस मेन थिएटर ही निवड योग्य होती. चित्रपटाच्या क्लासला साजेशी होती), त्याचा आम्हा चित्रपट समीक्षकांसाठीचा प्रिव्ह्यू खेळ (महालक्ष्मीच्या फेमस स्टुडिओतील मिनी थिएटरमध्ये होता), त्याची प्रभावी समिक्षा, चित्रपट प्रदर्शित झाल्यावरची प्रसिद्धी ( मला आठवतय शुक्रवारी प्रदर्शित झालेला लगान पाह्यला सोमवारी  दिलीप वेंगसरकर  आला आणि त्याच्या लाईव्ह कव्हरेजसाठी स्टार न्यूजची व्हॅनिटी इराॅसच्या कार पार्किंगमध्ये उभी होती) असे करत करत चित्रपट लोकप्रिय असतानाच लगानची  ऑस्कर साठीची भारताची अधिकृत प्रवेशिका म्हणून निवड झाली, ही तर ब्रेकिंग न्यूज. (Swades) काही दिवसातच अमेरिकेतून बातमी आली, लगानला ऑस्करच्या विदेश...

  भारतात चित्रपटांची सुरुवातच मराठी असलेल्या दादासाहेब फाळके यांनी केली. त्यामुळे या मराठी सिनेसृष्टीला १०० पेक्षा जास्त वर्षांचा इतिहास आहे. या एवढ्या मोठ्या कालखंडामध्ये अनेक दिग्गज आणि प्रतिभावान कलाकार होऊन गेले, ज्यांनी आपल्या अभिनयाने या मनोरंजनविश्वाला पुढे नेले. मात्र मराठी सिनेसृष्टीचा सुवर्ण काळ होता ७०, ८०, ९० चे दशकं. या काळात तयार झालेले सिनेमे आजही सर्वोत्तम कलाकृती म्हणून गणले जातात. याच काळात मराठी सिनेसृष्टीला एक उत्तम तारा मिळाला, ज्याने त्याच्या अभिनयाने आणि प्रतिभेने लोकांना खळखळून हसवले आणि रडवले देखील. हा तारा होता लक्ष्मीकांत बेर्डे अर्थात आपल्या सर्वांचा लाडका लक्ष्या. लक्ष्मीकांत यांनी मराठी चित्रपटांना मोठी उंची मिळवून दिली. त्यांनी त्यांच्या विनोदाने प्रेक्षकांचे अफाट मनोरंजन केले. आज याच लक्ष्मीकांत यांची २० वी पुण्यतिथी आहे. आजच्या दिवशी २००४ साली लक्ष्मीकांत यांनी या जगाचा निरोप घेतला. चला तर त्यांच्या पुण्यतिथीच्या दिवशी जाणून घेऊया लक्ष्मीकांत यांच्याबद्दल अधिक माहिती. मराठी चित्रपटांचा सुपरस्टार असे बिरुद मिळवलेल्या लक्ष्मीकांत पांडुरंग बेर्डे ऊर्फ ...

भारतीय सिनेसृष्टीला ११० वर्ष झाले. या एवढ्या मोठ्या कालखंडामध्ये या क्षेत्राने अनेक दिग्गज लहान मोठे कलाकार पाहिले. प्रेक्षकांच्या मनोरंजनाचा वसा उचलेल्या या क्षेत्राचे जगभर कोट्यवधी चाहते आहेत. याच मनोरंजनविश्वाने आपल्याला असा एक तारा दिला ज्याची चमक आणि ख्याती आजही कायम आहे. स्मिता पाटील महाराष्ट्राची अस्मिता असलेली ही अभिनेत्री खूप कमी वयात या जगाचा निरोप घेऊन गेली. मात्र जाताना मागे ठेऊन गेली तिच्या अनेक आठवणी, तिच्या बहारदार अभिनयाने परिपूर्ण सिनेमे. आज अभिनेत्री स्मिता पाटील यांची ६८ वी पुण्यतिथी. १३ डिसेंबर १९८६ साली स्मिता पाटील यांचे वयाच्या केवळ ३१ व्या वर्षी निधन झाले. आज त्यांच्या पुण्यतिथीच्या निमित्ताने जाणून घेऊया स्मिता यांच्याबद्दल अधिक माहिती. बॉलिवूड आणि मराठी फिल्म इंडस्ट्रीतील स्मिता पाटील या एक अशा अभिनेत्री होत्या, ज्यांनी तरुण वयात स्वतःची वेगळी ओळख निर्माण केली. त्यांनी केवळ अभिनयानेच नाही तर, आपल्या निखळ सौंदर्यानेही लोकांची मने जिंकली. मात्र, त्यांना मिळणारे यश, लोकांचे प्रेम, नवजात मुलाचा श्वास त्यांच्या नशिबी नव्हता. म्हणूनच वयाच्या अवघ्या ३१ व्या वर्षी स्म...

  आजपर्यंत भारतीय सिनेसृष्टीमधे अनेक महान आणि सर्वोत्कृष्ट कलाकार होऊन गेले. या कलाकारांनी त्यांच्या प्रभावी अभिनयाने आपले नाव अजरामर केले. बॉलिवूडच्या दिग्गज कलाकारांपैकी एक नाव म्हणजे इंडस्ट्रीमध्ये ‘ट्रॅजेडी किंग’ दिलीप कुमार. आपल्या अभिनयाने, लुक्सने प्रेक्षकांनावर भुरळ पडणाऱ्या दिलीप कुमार यांची आज १०२ वी जयंती. दिलीप कुमार यांनी या क्षेत्रात अफाट यश मिळवले. ते कायमच्या त्यांच्या चित्रपटांसोबतच त्यांच्या वैयक्तिक आयुष्यामुळे कायमच गाजले. भारतीय मनोरंजनसृष्टीचे पहिले सुपरस्टार अशी ओळख मिळवलेल्या दिलीप कुमार यांच्याशिवाय बॉलिवूडचा इतिहास हा कायम अपूर्ण आहे. त्यांनी त्यांच्या अभिनयाने आणि लुक्सने प्रेक्षकांच्या मनावर आपले नाव सुवर्ण अक्षरात कोरले आहे. आज जरी दिलीप कुमार आपल्यात नसले तरी त्यांचे सिनेमे त्याच्या आठवणी कायम आपल्या सोबत आहे. आज दिलीप कुमार यांची १०२ वी जयंती. याच निमित्ताने जाणून घेऊया त्यांच्या आयुष्यातील काही रंजक गोष्टींबद्दल. ११ डिसेंबर १९२२ दिलीप कुमार यांचा जन्म झाला होता. दिलीप कुमार यांनी मोठ्या पडद्यावर वर्षानुवर्षे राज्य केले. लोकांना दिलीप कुमार धर्माने हि...

  मराठमोळा वैभव कुलकर्णी दिग्दर्शित  ‘द रॅबिट हाऊस’  या हिंदी चित्रपटाचा ट्रेलर नुकताच प्रदर्शित झाला आणि तेव्हापासून तो चर्चेचा विषय ठरला आहे. या चित्रपटाने आतापर्यंत  21 आंतरराष्ट्रीय पुरस्कार  आणि बरीच प्रशंसा मिळवली आहे. चित्रपटाच्या कथेसोबतच त्याचे अप्रतिम व्हिज्युअल आणि संगीत याचीही चर्चा होत आहे. हिमाचल प्रदेशच्या ग्रामीण भागात सेट केलेले, ‘द रॅबिट हाऊस’ एक काव्यात्मक आणि गहन रहस्य सादर करते ज्याने जगभरातील प्रेक्षक आणि समीक्षकांना मोहित केले आहे. ट्रेलर लॉन्च इव्हेंट हा एक उत्साही प्रसंग होता, जेथे ट्रेलरमध्ये दर्शविल्याप्रमाणे व्हिज्युअल आणि कथेच्या शानदार संयोजनाचे कौतुक होत आहे.( The Rabbit House Movie ) हा चित्रपट 20 डिसेंबर 2024 रोजी प्रदर्शित होणार आहे आणि 25 वर्षांहून अधिक काळ म्युच्युअल फंड व्यवसायात असलेले अनुभवी आर्थिक उद्योग व्यावसायिक कृष्णा पांढरे यांच्या निर्मितीमध्ये पदार्पण होणार आहे. या नवीन उपक्रमाबद्दल आपले विचार मांडताना पांढरे म्हणाले, “सिनेमा हा नेहमीच माझ्या आवडीचा विषय राहिला आहे आणि ‘द रॅबिट हाऊस’ द्वारे मला अशी कथा आणायची ह...

  मराठी सिनेसृष्टीत अनेक नवनवीन सिनेमे प्रेक्षकांच्या भेटीला येत आहेत. आता लवकरच आणखीक एक नव्या विषयाचा नवा सिनेमा आपल्या भेटीला येत आहे. झी स्टुडिओज आणि कोकोनट फिल्म्स निर्मित ‘ जिजाई ’ हा बहुप्रतीक्षित मराठी चित्रपट लवकरच प्रेक्षकांसमोर दाखल होत आहे.आणि नुकताय या सिनेमाचा मुहूर्त पार पडला. नुकत्याच संपन्न झालेल्या चित्रपटाच्या मुहूर्त सोहळ्याने ‘जिजाई’बद्दल प्रेक्षकांमध्ये उत्सुकता निर्माण केली आहे. नुकताच जिजाई चित्रपटाच्या मुहूर्त सोहळ्याचा फोटो सोशल मीडियावर पोस्ट करण्यात आले असून नवोदित  दिग्दर्शक तृशांत इंगळे दिग्दर्शित  या चित्रपटात ‘ सैराट फेम’ रिंकू राजगुरू  ही प्रमुख भूमिकेत आपल्याला दिसणार आहे.( Rinku Rajguru Jijai Movie ) त्या बरोबरच  अपूर्वा शाळीग्राम  या चित्रपटाच्या डीओपी आहेत. कपाळी चंद्रकोर लावलेली रिंकू या चित्रपटात एका वेगळ्याच अंदाजात आपल्याला दिसणार आहे. ‘ सैराट’च्या  यशानंतर  रिंकू राजगुरू  आणि झी स्टुडिओज यांच्यात एक वेगळं नातं निर्माण झालं आहे. नागराज मंजुळे दिग्दर्शित ‘ सैराट ’ या चित्रपटातून देशभ...

  अलीकडच्या काळात सिनेमाच्या मार्केटिंगचे तंत्र पूर्णता बदलून गेले आहे. त्यामुळे एखाद्या सिनेमाने शंभर कोटी रुपये कमवणे ही काही फार मोठी गोष्ट राहिली नाही. पण एकेकाळी या गोष्टीच खूप अप्रूप होतं. भारतातील चित्रपटांमध्ये शंभर कोटी रुपये कमवणारा पहिला चित्रपट कोणता? असा प्रश्न जर मी तुम्हाला विचारला तर बऱ्याच जणांचे उत्तर  शोले,   मदर इंडिया , किंवा  मुगल-ए-आझम  हे असेल पण ही तिन्ही उत्तर चूक आहेत. भारतात ज्या सिनेमाने शंभर कोटी कमावण्यामध्ये पहिला नंबर मिळवला तो चित्रपट होता मिथुन चक्रवर्तीचा ‘डिस्को डान्सर’. (Disco Dancer) १० डिसेंबर १९८२ रोजी प्रदर्शित झालेल्या या चित्रपटाने भारतातच नाही तर संपूर्ण जगात मोठी खळबळ उडून दिली होती. या म्युझिकल हिट सिनेमाने भारतीय चित्रपटाच्या नायकाची प्रतिमा देखील बदलली. या सिनेमाच्या मेकिंगची गोष्ट देखील तितकेच भन्नाट आहे. दिग्दर्शक  बी सुभाष  यांनी एका चॅनलला दिलेल्या मुलाखतीत ‘डिस्को डान्सर’ (Disco Dancer) बद्दल काही महत्त्वपूर्ण गोष्टी सांगितल्या होत्या. अभिनेता मिथुन चक्रवर्तीला खऱ्या अर्थाने स्टार या चित्रपटाने बनवल...

  कलर्स मराठी  वरील  जय जय स्वामी समर्थ  या मालिकेला संपूर्ण महाराष्ट्रात नव्हे तर जगभरात  रसिक प्रेक्षकांचे उदंड प्रेम लाभत आहे. अन्यायाला मोडीत काढत आणि मार्गातल्या असंख्य लोकांचा उध्दार करत, त्यांना उपदेश करत स्वामी समर्थ कसे सोलापूर येथील अक्कलकोट येथे पोहचले… कशी लोकांना त्यांच्या महानतेची प्रचिती येत गेली, अक्कलकोट येथील चोळप्पा महाराज, सेवेकरी सुंदराबाई, अक्कलकोटचे राजे मालोजीराव, या भक्तांनी स्वामीलीला अनुभवली आणि ते कसे कृतार्थ झाले, त्यांचे कसे नाते होते आणि या भक्तिमार्गात आणखी कोणकोणती माणसं श्री स्वामी समर्थांच्या कृपाछायेखाली आली हे सगळं प्रेक्षकांना या मालिकेमध्ये आजवर बघायला मिळाले. अक्कलकोट येथे स्वामींच्या वास्तव्याने वटवृक्षाखाली दोन दशके चैतन्य ऊर्जा नांदली ती कशी हे देखील प्रेक्षकांना रोजच्या रोज अनुभवता येत आहे.( Jai Jai Swami Samarth Serial ) ‘जय जय स्वामी समर्थ’ या मालिकेने यशाचा एक नवीन विक्रम स्थापित केला आहे. मालिकेने १३०० भागांचा महत्त्वपूर्ण टप्पा पार करून प्रेक्षकांच्या मनात एक अढळ स्थान निर्माण केले आहे. स्वामी समर्थांच्या जीवनातील...