Dada Kondke : हिंदी आणि गुजराती सिनेमातील आपले दादा कोंडके!
आपल्या अस्सल लोक भाषेतून आणि तिरकस संवादांतून उभ्या महाराष्ट्राला मनमुराद हसवत मनोरंजनाचा अस्सल बुस्टर डोस देणारे Dada Kondke यांनी १९७१ ते १९९६ या तब्बल पंचवीस वर्षांच्या सुवर्णकाळात चित्रपटसृष्टीत अभूतपूर्व अशी प्रचंड लोकप्रियता मिळवली होती. या दरम्यान दादा कोंडके यांनी स्वतः तब्बल पंधरा मराठी चित्रपट निर्माण केले तसेच Bhalji Pendharkar यांच्या Tambdi Maati आणि Ganimi Kawa या दोन चित्रपटातून सशक्त भूमिका साकारल्या. चार हिंदी चित्रपट केले तर दोन गुजराती चित्रपट करून आपल्या एकूण पंचवीस वर्षांच्या चित्रपट कारकिर्दीमध्ये दादा कोंडके यांनी अस्सल २५ चित्रपटातून आपल्या खास अभिनय शैलीची जादू दाखवली होती. (Dada Kondke) दादा कोंडके यांना सर्वसामान्य प्रेक्षकांची आणि पब्लिकची नाडी अगदी अचूकपणे जबरदस्त कळाली होती आणि म्हणूनच तथाकथित उच्चभ्रू समीक्षक आणि चित्रपट धुरीणांच्या नाकावर टिच्चून दादा कोंडके आपल्या प्रत्येक सिनेमाला घवघवीत यश मिळवून देत गेले. त्यांच्या सलग रौप्यमहोत्सवी चित्रपटांच्या यशाने त्यांचे नाव थेट Guinness Book मध्ये नोंदले गेले अशी एक लोणकढी थाप चित्रपट वर्तुळात कोणीतर...
