Rubaab Marathi Movie: मराठमोळा दिग्दर्शक शेखर बापू रणखांबे घेऊन येतोय गावाकडची ‘रुबाब’दार लव्ह स्टोरी !

 मराठी चित्रपटसृष्टी सतत बदलत असून नव्या विचारांची, वेगळ्या आशयाची आणि दमदार दृष्टीकोन असलेल्या दिग्दर्शकांची नवी पिढी पुढे येत आहे. या नव्या दमाच्या दिग्दर्शकांच्या यादीत आता शेखर बापू रणखांबे (Shekhar Bapu Rankhambe) यांचं नाव ठळकपणे समोर येत आहे. झी स्टुडिओज प्रस्तुत आणि झणकर फिल्म्स निर्मित ‘रुबाब’ (Rubaab) या त्यांच्या पहिल्याच मराठी चित्रपटाने प्रेक्षकांचं लक्ष वेधून घेतलं आहे.काही दिवसांपूर्वी प्रदर्शित झालेल्या या चित्रपटाच्या टीझरला उत्स्फूर्त प्रतिसाद मिळाला असून सोशल मीडियावर ‘रुबाब’ची जोरदार चर्चा सुरू आहे. प्रेमकथेचा पाया असलेला हा चित्रपट केवळ रोमँटिक चौकटीत अडकलेला नसून, त्यामागे असलेला स्वाभिमान, आत्मविश्वास आणि ठाम भूमिका यांचं प्रभावी चित्रण करतो.(Rubaab Marathi Movie) Bollywood tadka

शेखर बापू रणखांबे यांचा प्रवास संघर्षातून घडलेला आहे. मुंबईत करिअरच्या शोधात असताना त्यांनी अनेक छोट्या-मोठ्या कामांतून आपली वाट शोधली. सुरुवातीला त्यांनी प्लंबिंगसारखी कामं केली, त्यानंतर रंगभूमीशी त्यांचा संबंध आला. नाटकांच्या पडद्यामागे काम करताना त्यांनी अभिनय, लेखन आणि दिग्दर्शनातील बारकावे जवळून आत्मसात केले.या अनुभवाच्या जोरावर त्यांनी पुढे चित्रपट क्षेत्रात पाऊल ठेवलं. अनेक चित्रपटांमध्ये सहाय्यक दिग्दर्शक म्हणून काम करत अनुभव साठवला. त्याचबरोबर त्यांनी ‘रेखा’ आणि ‘पॅम्पलेट’ या शॉर्ट फिल्म्सचं लेखन-दिग्दर्शन केलं. ‘पॅम्पलेट’ या लघुपटाची निवड आंतरराष्ट्रीय चित्रपट महोत्सवातील इंडियन पॅनोरमा विभागात झाली होती, तसेच केरळ इंटरनॅशनल डॉक्युमेंट्री अँड शॉर्ट फिल्म फेस्टिव्हलमध्ये या फिल्मला पुरस्कार मिळाला. ‘रेखा’ या शॉर्ट फिल्मला राष्ट्रीय पुरस्काराने गौरवण्यात आलं असून, प्रसिद्ध दिग्दर्शक रवी जाधव यांनी तिची निर्मिती केली होती.

===============================

हे देखील वाचा: ‘माझा मुलगा 4 वर्षांपासून..’ , खंडणी प्रकरणात सुनेच नाव आल्यानंतर अभिनेत्री Archana Patkar ने सोशल मीडियावर केला मोठा खुलासा !

===============================

चित्रपट करण्याचं स्वप्न उराशी बाळगणाऱ्या शेखर रणखांबे यांचं हे स्वप्न आता ‘रुबाब’च्या माध्यमातून प्रत्यक्षात साकार होत आहे. गावाकडच्या पार्श्वभूमीवर उलगडणारी ही प्रेमकहाणी असली, तरी तिची मांडणी वेगळी आणि विचारप्रवर्तक आहे. प्रेमासोबतच स्वतःचा आत्मसन्मान जपणं, ठामपणे उभं राहणं आणि आयुष्याकडे पाहण्याचा आत्मविश्वासपूर्ण दृष्टिकोन हा या चित्रपटाचा केंद्रबिंदू आहे.

चित्रपटाबद्दल बोलताना दिग्दर्शक शेखर बापू रणखांबे सांगतात की, ‘रुबाब’ हा चित्रपट माझ्यासाठी खास आहे, कारण हा माझा पहिला सिनेमा आहे. झी स्टुडिओज आणि निर्माते संजय झणकर यांनी दिलेल्या विश्वासामुळे मला योग्य संधी आणि व्यासपीठ मिळालं. कलाकारांनीही प्रामाणिक मेहनत घेतली असून त्यांनी कथेला योग्य न्याय दिला आहे. हा चित्रपट केवळ प्रेमकथा नाही, तर त्यात एक वेगळी ऊर्जा आणि विचार आहे. टीझरला मिळालेला प्रतिसाद पाहून आनंद होतो आणि प्रेक्षकांना हा चित्रपट नक्की आवडेल, असा मला विश्वास आहे.’(Rubaab Marathi Movie)

========================================

हे देखील वाचा: Mi Savitribai Jotirao Phule मालिकेच्या सेटचा भव्य अनावरण सोहळा कलाकारांच्या उपस्थितीत संपन्न!

=========================================

या चित्रपटात संभाजी ससाणे आणि शीतल पाटील हे प्रमुख भूमिकेत दिसणार आहेत. ‘रुबाब’चं लेखन आणि दिग्दर्शन शेखर बापू रणखांबे यांनी केलं असून संजय झणकर आणि गौरी झणकर हे या चित्रपटाचे निर्माते आहेत. उमेश कुमार बन्सल आणि बवेश जानवलेकर प्रस्तुतकर्त्यांची जबाबदारी सांभाळत आहेत.प्रेक्षकांच्या उत्सुकतेचा केंद्रबिंदू ठरलेला ‘रुबाब’ हा चित्रपट ६ फेब्रुवारीपासून प्रेक्षकांच्या भेटीला येणार आहे. वेगळा आशय, नवा दिग्दर्शक आणि ठसठशीत मांडणी यामुळे ‘रुबाब’कडून अपेक्षा नक्कीच वाढल्या आहेत. Bollywood Masala

Original content is posted on https://kalakrutimedia.com/rubaab-marathi-movie-director-shekhar-bapu-rankhambhe-brings-a-powerful-rural-love-story-info/

Comments

Post a Comment

Popular posts from this blog

Diljit Dosanjh पंजाब इंडस्ट्री गाजवणारा दिलजीत दोसांझ ‘असा’ बनला बॉलिवूडमधील टॉपचा अभिनेता

Image
पंजाबी इंडस्ट्रीतील अतिशय लोकप्रिय आणि प्रसिद्ध संगीतकार आणि गायक म्हणजे  दिलजीत दोसांझ (Diljit Dosanjh) . मधल्या काही काळापासून दिलजीत हे नाव फक्त पंजाबी इंडस्त्रीपुरते मर्यादित न राहता संपूर्ण जगभर गाजताना दिसत आहे. दिलजीतचे संपूर्ण जगभर कोट्यवधी फॅन्स आहेत. तो आणि त्यांचे विविध कॉन्सर्ट्स तुफान गाजतात. याचे अनेक व्हिडीओ सोशल मीडियावर देखील व्हायरल होतात.  (Diljit Dosanjh) गेल्या काही दिवसांपासून दिलजीत त्याच्या साध्य सुरु असलेल्या  म्युझिक टूर मुळे  (Music Tour)  तुफान गाजत आहे. आज दिलजीत दोसांझ त्याचा वाढदिवस साजरा करत आहे.  दिलजीत दोसांझचा जन्म ६ जानेवारी १९८४ रोजी झाला. आज त्याचा ४१ वा वाढदिवस आहे.  दिलजीतच्या वाढदिवसाच्या निमित्त जाणून घेऊया त्याच्याशी संबंधित काही गोष्टी.  (Bollywood Tadka) दिलजीत दोसांझ पूर्वी फक्त  पंजाबी इंडस्ट्री मध्ये  (Punjabi Indastri)  प्रसिद्ध होता. मात्र आता तो हिंदी सिनेसृष्टीमधे देखील कमालीचा लोकप्रिय आहे. केवळ संगीत क्षेत्रात नाही तर त्याने अनेक बॉलिवूड चित्रपटांमध्ये अभिनय देखील केला आहे. दिलजी...
Read more

Oscar 2025 : कुठे पाहाल ऑस्कर सोहळा? ‘या’ भारतीय चित्रपटांकडे लागलंय लक्ष

Image
  चित्रपटसृष्टीतील सर्वोच्च समजला जाणारा ऑस्कर पुरस्कार सोहळा लवकरच पाहायला मिळणार आहे. मधल्या काळात लॉस एंजलिसमध्ये लागलेल्या भीषण आगीमुळे ९७वा आॉस्कर पुरस्कार सोहळा यावर्षी रद्द होणार अशी चिन्हे दिसत होती. मात्र, या मोठ्या हानीतून वर येत अखेर ऑस्कर २०२५ चा पुरस्कार सोहळा होणार आहे.  यावर्षी भारतीय चित्रपटांकडून सगळ्यांनाच आशा असून हा पुरस्कार सोहला कुठे पाहता येईल हे जाणून घ्या… प्रतिष्ठित ऑस्कर २०२५ पुरस्कार सोहळ्याचा काऊंटर डाऊन सुरु झाला असून ३ मार्च २०२५ रोजी पहाटे ५.३० वाजता ऑस्कर सोहळा भारतात लाईव्ह पाहता येणार आहे. लॉस एंजलिसमधील डॉल्बी थिएटरमध्ये हा पुरस्कार सोहळा संपन्न होणार आहे. भारतात स्टार मूव्हीज सिलेक्ट या टीव्ही चॅनलवर, जिओस्टार या ओटीटी प्लॅटफॉर्मवर ‘ऑस्कर २०२५’ चं लाइव्ह स्ट्रीमिंग होणार आहे. तसेच, हा पुरस्कार सोहळा अमेरिकन वेळेनुसारABC टीव्हीवर रात्री ७ वाजता टेलिकास्ट केला जाईल. ‘ऑस्कर २०२५’ मध्ये या भारतीय चित्रपटांकडे विशेष लक्ष यंदा ऑस्कर २०२५ मध्ये जागतिक चित्रपटांच्या शर्यतीत भारतीय चित्रपट असून सगळ्यांचंच लक्ष हा सोहळ्याकडे लागलंय. या वर्षी भार...
Read more

Sant Dnyaneshwaranchi Muktai: ज्येष्ठ गायक सुरेश वाडकर आणि दिग्गजांच्या उपस्थितीत पार पडला ज्ञानेश्वरीचा सुरेल सोहळा !

Image
  योगी पावन मनाचा। साही अपराध जनाचा। विश्व रागे झाले वन्हि। संते सुखे व्हावे पाणी। शब्द शस्त्रे झाले क्लेश। संती मानावा उपदेश। विश्वपट ब्रह्म दोरा। ताटी उघडा ज्ञानेश्वरा। “प्रत्येकाच्या जीवनात अध्यात्मिक तेजाचे दीपप्रज्वलित करत संपूर्ण विश्वासाठी ‘पसायदान’रूपी विश्वप्रार्थना लिहिणारे श्री संत ज्ञानेश्वर महाराज अवघ्या विश्वाचे माऊली बनले. भगवद्गगीतेतला विचार सर्वसामान्यांपर्यंत पोचवण्यासाठी ज्ञानेश्वरी लिहिणारे आणि पसायदानासारखी अजोड कलाकृती जगाला देणारे संत ज्ञानेश्वर आणि त्यांच्या कुटुंबाची चरित्रगाथा ‘संत ज्ञानेश्वरांची मुक्ताई’ चित्रपटाच्या माध्यमांतून महाराष्ट्राच्या घराघरांत पोहचणार आहे. माउलींचे समता, बंधुतेचे विचार आणि आचरण यांचे आदर्श उलगडून दाखवतानाच प्रेक्षकांना दिव्यत्वाचे दर्शनही अनुभवायास मिळणार आहे. दिग्पाल लांजेकर लिखित-दिग्दर्शित हा भव्य चित्रपट १८ एप्रिलला आपल्या भेटीला येतोय. रेश्मा कुंदन थडानी यांनी या चित्रपटाची निर्मिती केली असून चित्रपटाची प्रस्तुती ए.ए.फिल्म्स ही नामांकित वितरण संस्था करीत आहे.(Sant Dnyaneshwaranchi Muktai Music Launch) Latest Marathi Movies...
Read more