Nishani Dava Anghatha : विनोदाच्या माध्यमातून यंत्रणेवर सणसणीत टोला
मराठी साहित्यातील उत्तम कादंबऱ्यांवर आधारित चित्रपट जेव्हा रूपेरी पडद्यावर येतात, तेव्हा ते केवळ रंजन करत नाहीत, तर समाजाच्या व्यवस्थेवर टोकदार भाष्य करतात. Dr. Ramesh Ingale Utradkar लिखित Nishani Dava Anghtha या अत्यंत गाजलेल्या कादंबरीवर आधारित आणि ज्येष्ठ दिग्दर्शक Purushottam Berde यांनी दिग्दर्शित केलेला याच नावाचा बहुतारकांकित ( Multistarer ) चित्रपट २००९ मध्ये प्रेक्षकांच्या भेटीला आला होता. हा सिनेमा म्हणजे केवळ निखळ करमणूक नसून, सरकारी यंत्रणेतील ढिसाळपणा, कर्मचाऱ्यांची कामचुकार प्रवृत्ती आणि कागदोपत्री चालणाऱ्या योजनांच्या बट्ट्याबोळावर ओढलेला एक अत्यंत तिखट, विडंबनात्मक आणि उपहासात्मक आसूड आहे. (Nishani Dava Anghatha) या चित्रपटाचे सर्वात मोठे वेगळेपण त्याच्या मूळ कथानकात आणि मध्यवर्ती संकल्पनेत दडलेले आहे. सर्वसाधारणपणे भारतीय सिनेमात सरकारी योजनांचे उदात्तीकरण किंवा भावूक चित्रण केले जाते; परंतु या चित्रपटात दिग्दर्शकाने केंद्र सरकारच्या अत्यंत महत्त्वाकांक्षी अशा ‘प्रौढ साक्षरता अभियाना’चा (साक्षर भारत) ग्रामीण भागात कसा बट्ट्याब...