तो येतोय…आता कल्ला तर होणारच! ‘बिग बॉस मराठी’चा 5 वा सीझन 28 जुलैपासून सुरु होणार

 

 

 Bollywood masala मराठी मनोरंजनाचा बॉस ‘BIGG BOSS मराठी’चं बिगुल वाजलंय आणि आता अवघ्या काही दिवसातच नव्या पर्वाची दिमाखात सुरुवात होणार आहे. ‘बिग बॉस मराठी’चं आलिशान घर आता नव्या रुपात नव्या सदस्यांच्या स्वागतासाठी तयार आहे.100 हून अधिक कॅमेरे घरात येणाऱ्या कलावंतांवर आपली नजर रोखायला सज्ज झालेयत.100 दिवसांच्या या प्रवासात अतरंगी नमुन्यांचे बहुरंग, बहुढंग रसिकांना पाहायला मिळणार आहेत. ‘बिग बॉस’च्या घरातील सदस्य आणि प्रेक्षक यांच्यामधील दुवा हिंदी-मराठी मनोरंजनसृष्टी गाजवणारा सुपरस्टार रितेश देशमुख असणार आहे. रितेश देशमुख आपल्या स्टाईलने हा खेळ रंगवणार आहे. या खेळात धमाल आहे, मस्ती आहे, मनोरंजनाचा राडा आहे, धुरळा आहे. ‘बिग बॉस मराठी’चा नवा सीझन येत्या रविवारपासून दररोज रात्री 9 वा. ‘कलर्स मराठी’वर पाहाता येणार आहे. ‘बिग बॉस मराठी’च्या या चक्रव्यूहात विविध क्षेत्रातील कमाल अतरंगी स्पर्धक सहभागी होणार आहेत.(Big Boss Marathi 5)

आता हे अतरंगी स्पर्धक कोण? यंदाच्या सिझनची थीम काय असेल? अशा अनेक रहस्यांचा उलगडा ‘बिग बॉस’प्रेमींना आता लवकरच होणार आहे.’बिग बॉस मराठी’च्या आतापर्यंत आलेल्या सर्व प्रोमोमध्ये रितेश देशमुखची ‘लयभारी‘ स्टाईल पाहायला मिळाली. पण आता मात्र नवं पर्व सुरू व्हायला अवघे काही दिवस शिल्लक आहेत. आता पाहू या रितेश भाऊ या सगळ्या पाहुण्यांचं कसं स्वागत करणार? यावेळेस JioCinema वर प्रेक्षकांना त्यांचे आवडते सेगमेंट चुगली बूथ, हाइप फीडमध्ये सहभागी होता येईल. Hype Feed द्वारे चॅटिंग, रिएक्टिंग, पोल्समध्ये सहभागी होता येईल. तसेच एलिमिनेशन व्होटिंगद्वारे मतदान करुन त्यांच्या आवडत्या स्पर्धकाला वाचवता येईल. रितेश भाऊ या सिझनमध्ये कुणाचा मित्र होणार की कुणाचा गुरू होणार? कुणाबरोबर ग्रॅन्ड मस्ती करणार नि कुणाबरोबर लय भारी दोस्ती करणार? कुणाचं काही चुकलं तर भाऊ कानही उपटणार आणि कधी कुणाची पाठही थोपटणार आहे! रितेश भाऊचा हा अनोखा अंदाज पाहण्यासाठी संपूर्ण महाराष्ट्र आता उत्सुक आहे.

‘बिग बॉस मराठी’च्या नव्या पर्वाबद्दल रितेश देशमुख म्हणाला की,”बिग बॉस मराठी’च्या नव्या सीझनची खूप उत्सुकता आहे. अनेक वर्षांपासून मी हा शो फॉलो करतोय. आता ‘बिग बॉस मराठी’च्या नव्या सीझनचा होस्ट म्हणून ‘कलर्स मराठी’सोबत जोडला गेल्याचा आनंद आहे. ‘बिग बॉस मराठी’ला नव्या ढंगात, नव्या रुपात पोहोचवण्याची आमची जबाबदारी आहे. नव्या सीझनमध्ये राडा, धुरळा, मजा-मस्ती आणि लय भारी कल्ला होणार.”. आता लवकरच ‘बिग बॉस’च्या आलिशान घराचे दरवाजे उघडले जातील.आता कळणार आहे, बिग बॅासच्या या घरात प्रवेश करण्याचं भाग्य कुणाला मिळणार ?कोणाची स्वप्नं सत्यात उतरणार नि कोण स्वप्नांचे सौदागर होणार!!(Big Boss Marathi 5)

=================================

हे देखील वाचा: Big Boss Ott 3: ‘वडापाव गर्ल’ नंतर दीपक चौरसिया बिग बॉस ओटीटी ३ मधून बाहेर

=================================

 Bollywood tadka आपली मनं पुन्हा एकदा जिंकायला, आपल्याला नवा अनुभव मिळवून द्यायला हे नवं घर आणि नवे सदस्य सुसज्ज आहेत 28 जुलैपासून दररोज रात्री 9 वाजता कलर्स मराठीवर आणि JioCinema वर कधीही पाहता येऊ शकते.

Original content is posted on: https://kalakrutimedia.com/bigg-boss-marathi-season-5-to-begin-from-july-28-info/