The Kerala Story 2 ला सेन्सॉर बोर्डाची कात्री; तब्बल १६ सीन्समध्ये केले मोठे बदल…

 कामख्या नारायण सिंग दिग्दर्शित The Kerala Story 2: Goes Beyond हा चित्रपट प्रदर्शनाआधीच वादाच्या केंद्रस्थानी आला आहे. 27 फेब्रुवारी 2026 रोजी देशभरात प्रदर्शित होणाऱ्या या चित्रपटाभोवती सोशल मीडियावर तीव्र चर्चा सुरू आहे. केरळच्या मुख्यमंत्र्यांपासून ते विविध क्षेत्रातील सेलिब्रिटींपर्यंत अनेकांनी चित्रपटावर टीका केली आहे. मात्र सर्व बाजूंनी होणाऱ्या आक्षेपांदरम्यान सेन्सॉर प्रक्रियेबाबत मोठा निर्णय समोर आला आहे. Central Board of Film Certification (CBFC) ने चित्रपटाला U/A 16+ प्रमाणपत्र देत प्रदर्शनासाठी हिरवा कंदील दिला आहे. ट्रेलर आणि टीझरमधील काही दृश्यांवरून चित्रपटाला ‘A’ प्रमाणपत्र मिळण्याची शक्यता व्यक्त केली जात होती. तथापि, बोर्डाने काही अटींसह 16 वर्षांवरील प्रेक्षकांसाठी चित्रपट मंजूर केला आहे.(The Kerala Story 2)

सीबीएफसीने निर्मात्यांना तब्बल 16 बदल सुचवले होते. काही लिप-लॉक दृश्ये आणि महिलांवरील अत्याचार दाखवणाऱ्या प्रसंगांमध्ये कात्री चालवण्यात आली आहे. महिलांना कानाखाली मारण्याचे आणि डोक्यावर प्रहार दाखवणारे दोन वेगवेगळे सीन तसेच आरोपीच्या घरावर बुलडोझर चालवण्याचे दृश्य यामध्ये सुधारणा करण्याचे निर्देश देण्यात आले. याशिवाय तीन ठिकाणी संवादांमध्ये बदल करण्यात आले असून एक आक्षेपार्ह शब्द पूर्णपणे म्यूट करण्यात आला आहे.

चित्रपटाची कथा सत्य घटनांवर आधारित असल्याचा दावा करण्यात आला आहे. त्यामुळे हा दावा समर्थित करणारा डिस्क्लेमर चित्रपटात समाविष्ट करण्याचे आदेश बोर्डाने दिले. यासाठी निर्मात्यांकडून संबंधित कागदपत्रांचीही मागणी करण्यात आली होती. तसेच अल्पवयीन कलाकारांच्या कास्टिंगसंदर्भात संमतीपत्र सादर करण्याच्या सूचनाही देण्यात आल्या. (The Kerala Story 2)

निर्माते आणि दिग्दर्शकांनी सुचवलेले सर्व बदल केल्यानंतरच चित्रपटाला अंतिम प्रमाणपत्र देण्यात आले. सुधारित आवृत्तीचा एकूण रनटाईम 131 मिनिटे निश्चित करण्यात आला आहे, म्हणजेच 2 तास 11 मिनिटे 24 सेकंदांचा हा चित्रपट प्रेक्षकांच्या भेटीला येणार आहे. वाद, टीका आणि सेन्सॉर प्रक्रियेनंतर आता चित्रपट प्रत्यक्ष प्रदर्शनात कसा प्रतिसाद मिळवतो, याकडे सर्वांचे लक्ष लागले आहे. रिलीजपूर्वीच चर्चेत आलेल्या या चित्रपटाची बॉक्स ऑफिसवरील कामगिरी काय असेल, हे येत्या काही दिवसांत स्पष्ट होईल.

Marathi Entertainment News

This blog was originally published on https://kalakrutimedia.com/the-kerala-story-2-facescbfc-cuts-16-major-scenes-modified-before-release-info/

Comments

Post a Comment

Popular posts from this blog

Diljit Dosanjh पंजाब इंडस्ट्री गाजवणारा दिलजीत दोसांझ ‘असा’ बनला बॉलिवूडमधील टॉपचा अभिनेता

Image
पंजाबी इंडस्ट्रीतील अतिशय लोकप्रिय आणि प्रसिद्ध संगीतकार आणि गायक म्हणजे  दिलजीत दोसांझ (Diljit Dosanjh) . मधल्या काही काळापासून दिलजीत हे नाव फक्त पंजाबी इंडस्त्रीपुरते मर्यादित न राहता संपूर्ण जगभर गाजताना दिसत आहे. दिलजीतचे संपूर्ण जगभर कोट्यवधी फॅन्स आहेत. तो आणि त्यांचे विविध कॉन्सर्ट्स तुफान गाजतात. याचे अनेक व्हिडीओ सोशल मीडियावर देखील व्हायरल होतात.  (Diljit Dosanjh) गेल्या काही दिवसांपासून दिलजीत त्याच्या साध्य सुरु असलेल्या  म्युझिक टूर मुळे  (Music Tour)  तुफान गाजत आहे. आज दिलजीत दोसांझ त्याचा वाढदिवस साजरा करत आहे.  दिलजीत दोसांझचा जन्म ६ जानेवारी १९८४ रोजी झाला. आज त्याचा ४१ वा वाढदिवस आहे.  दिलजीतच्या वाढदिवसाच्या निमित्त जाणून घेऊया त्याच्याशी संबंधित काही गोष्टी.  (Bollywood Tadka) दिलजीत दोसांझ पूर्वी फक्त  पंजाबी इंडस्ट्री मध्ये  (Punjabi Indastri)  प्रसिद्ध होता. मात्र आता तो हिंदी सिनेसृष्टीमधे देखील कमालीचा लोकप्रिय आहे. केवळ संगीत क्षेत्रात नाही तर त्याने अनेक बॉलिवूड चित्रपटांमध्ये अभिनय देखील केला आहे. दिलजी...
Read more

Sant Dnyaneshwaranchi Muktai: ज्येष्ठ गायक सुरेश वाडकर आणि दिग्गजांच्या उपस्थितीत पार पडला ज्ञानेश्वरीचा सुरेल सोहळा !

Image
  योगी पावन मनाचा। साही अपराध जनाचा। विश्व रागे झाले वन्हि। संते सुखे व्हावे पाणी। शब्द शस्त्रे झाले क्लेश। संती मानावा उपदेश। विश्वपट ब्रह्म दोरा। ताटी उघडा ज्ञानेश्वरा। “प्रत्येकाच्या जीवनात अध्यात्मिक तेजाचे दीपप्रज्वलित करत संपूर्ण विश्वासाठी ‘पसायदान’रूपी विश्वप्रार्थना लिहिणारे श्री संत ज्ञानेश्वर महाराज अवघ्या विश्वाचे माऊली बनले. भगवद्गगीतेतला विचार सर्वसामान्यांपर्यंत पोचवण्यासाठी ज्ञानेश्वरी लिहिणारे आणि पसायदानासारखी अजोड कलाकृती जगाला देणारे संत ज्ञानेश्वर आणि त्यांच्या कुटुंबाची चरित्रगाथा ‘संत ज्ञानेश्वरांची मुक्ताई’ चित्रपटाच्या माध्यमांतून महाराष्ट्राच्या घराघरांत पोहचणार आहे. माउलींचे समता, बंधुतेचे विचार आणि आचरण यांचे आदर्श उलगडून दाखवतानाच प्रेक्षकांना दिव्यत्वाचे दर्शनही अनुभवायास मिळणार आहे. दिग्पाल लांजेकर लिखित-दिग्दर्शित हा भव्य चित्रपट १८ एप्रिलला आपल्या भेटीला येतोय. रेश्मा कुंदन थडानी यांनी या चित्रपटाची निर्मिती केली असून चित्रपटाची प्रस्तुती ए.ए.फिल्म्स ही नामांकित वितरण संस्था करीत आहे.(Sant Dnyaneshwaranchi Muktai Music Launch) Latest Marathi Movies...
Read more

Oscar 2025 : कुठे पाहाल ऑस्कर सोहळा? ‘या’ भारतीय चित्रपटांकडे लागलंय लक्ष

Image
  चित्रपटसृष्टीतील सर्वोच्च समजला जाणारा ऑस्कर पुरस्कार सोहळा लवकरच पाहायला मिळणार आहे. मधल्या काळात लॉस एंजलिसमध्ये लागलेल्या भीषण आगीमुळे ९७वा आॉस्कर पुरस्कार सोहळा यावर्षी रद्द होणार अशी चिन्हे दिसत होती. मात्र, या मोठ्या हानीतून वर येत अखेर ऑस्कर २०२५ चा पुरस्कार सोहळा होणार आहे.  यावर्षी भारतीय चित्रपटांकडून सगळ्यांनाच आशा असून हा पुरस्कार सोहला कुठे पाहता येईल हे जाणून घ्या… प्रतिष्ठित ऑस्कर २०२५ पुरस्कार सोहळ्याचा काऊंटर डाऊन सुरु झाला असून ३ मार्च २०२५ रोजी पहाटे ५.३० वाजता ऑस्कर सोहळा भारतात लाईव्ह पाहता येणार आहे. लॉस एंजलिसमधील डॉल्बी थिएटरमध्ये हा पुरस्कार सोहळा संपन्न होणार आहे. भारतात स्टार मूव्हीज सिलेक्ट या टीव्ही चॅनलवर, जिओस्टार या ओटीटी प्लॅटफॉर्मवर ‘ऑस्कर २०२५’ चं लाइव्ह स्ट्रीमिंग होणार आहे. तसेच, हा पुरस्कार सोहळा अमेरिकन वेळेनुसारABC टीव्हीवर रात्री ७ वाजता टेलिकास्ट केला जाईल. ‘ऑस्कर २०२५’ मध्ये या भारतीय चित्रपटांकडे विशेष लक्ष यंदा ऑस्कर २०२५ मध्ये जागतिक चित्रपटांच्या शर्यतीत भारतीय चित्रपट असून सगळ्यांचंच लक्ष हा सोहळ्याकडे लागलंय. या वर्षी भार...
Read more