Aamir Khan-Kitu Gidwani : आमीर खान, किट्टू गिडवाणी आणि त्यांचा विसरलेला लिप-लॉक किस!

 हिंदी सिनेमाच्या इतिहासात चुंबनाची परंपरा खूप जुनी आहे. मूकपटांच्या काळातही काही चित्रपटांत चुंबन दृश्ये होती. बोलपटांच्या सुरुवातीला, म्हणजे ३० च्या दशकात Devika Rani यांचे Karma (१९३३) या चित्रपटातील Himanshu Rai यांच्यासोबतचे प्रदीर्घ चुंबन दृश्य अनेक वर्षे चर्चेचा विषय ठरले होते. मात्र, स्वातंत्र्यानंतर चित्रपट सेन्सॉर बोर्डाने अशा दृश्यांवर कडक निर्बंध आणले. परिणामी, दिग्दर्शकांनी सर्जनशील मार्ग शोधले—बागेतील दोन फुले एकमेकांना स्पर्श करताना दाखवून चुंबन सूचित करण्याची पद्धत रूढ झाली.

६० च्या दशकात Johar Mehmood in Goa या चित्रपटाने हे निर्बंध धाब्यावर बसवले. I. S. Johar आणि Sonia Sahni यांच्यातील ते दृश्य भारतातील पहिले सेन्सॉर संमत अधिकृत चुंबन दृश्य मानले जाते. काळानुरूप समाजात मोकळेपणा आला आणि सेन्सॉर बोर्डाची दृष्टीही बदलली. २१ व्या शतकात Emraan Hashmiच्या आगमनानंतर तर अशा दृश्यांचा जणू पाऊस पडला आणि आज ओटीटीच्या जमान्यात तर याचे कुणाला नवल वाटेनासे झाले आहे. पण एकेकाळी हे सर्व एक मोठे टॅबू (सामाजिक बंधन) होते.

अशा या काळात, ८० च्या दशकात Aamir Khanने एका चित्रपटात किसिंग सीन दिला होता. हा चित्रपट फारसा न चालल्याने अनेकांच्या तो लक्षातही नाही, पण तेच आमीर खानचे पहिले रुपेरी चुंबन होते. पुढे आमीरने Qayamat Se Qayamat Tak मध्ये Juhi Chawlaसोबत, Raja Hindustani मध्ये Karisma Kapoorसोबत आणि 3 Idiots मध्ये Kareena Kapoorसोबत दिलेली चुंबन दृश्ये प्रचंड लोकप्रिय झाली. मात्र, त्याचा श्रीगणेशा झाला होता १९८४ सालच्या Holi या चित्रपटातून. होली हा एक प्रायोगिक प्रयोग Ketan Mehta दिग्दर्शित होली हा एक लो-बजेट आणि प्रायोगिक चित्रपट होता. पुण्याच्या Film and Television Institute of India (FTII) मधील विद्यार्थ्यांचा हा एक धाडसी प्रयत्न होता. याचे बहुतांश चित्रीकरण एफटीआयआय आणि Fergusson Collegeच्या आवारात झाले. कॉलेजमधील रॅगिंग आणि विद्यार्थ्यांची मानसिकता यावर या चित्रपटात भाष्य करण्यात आले होते.

Kitu Gidwani ही केवळ अभिनेत्री नाही, तर एक स्टाईल आयकॉन या चित्रपटात Aamir Khanसोबत अभिनेत्री किट्टू गिडवाणी मुख्य भूमिकेत होती. आजच्या पिढीला किट्टू गिडवाणी कदाचित पटकन आठवणार नाही, पण दूरदर्शनच्या सुवर्णकाळात ती एक लोकप्रिय चेहरा होती. Swabhimaan सारख्या मालिकांमधील तिची Svetlana ही व्यक्तिरेखा आजही प्रेक्षकांच्या लक्षात आहे. किट्टूने केवळ ग्लॅमरस भूमिकाच केल्या नाहीत, तर Dance of the Wind आणि Earth (Deepa Mehta) सारख्या जागतिक स्तरावर नावाजलेल्या चित्रपटांतून आपल्या अभिनयाची चुणूक दाखवली. फ्रेंच चित्रपटातही काम केल्यामुळे तिच्याकडे एक वेगळा जागतिक दृष्टिकोन होता. Holi मध्ये तिने एका कॉलेज तरुणीची भूमिका साकारली होती आणि आमीरसोबतचे तिचे काही सेकंदांचे लिप-लॉक त्या काळी चर्चेचे ठरले होते.

घाबरलेला Aamir आणि मिशीवाला लूक ही त्याची या सिनेमाचे ओळख होती. Holi मधील आमीर खानला पाहून तुम्ही आज त्याला ओळखूही शकणार नाही. बारीक मिशी आणि लहान केसांमधील १८ वर्षांचा आमीर या चित्रपटात अतिशय निरागस वाटतो. या चुंबन दृश्याच्या वेळी आमीर प्रचंड घाबरलेला होता, असे म्हटले जाते. Ashutosh Gowariker, Om Puri, Dr. Shriram Lagoo आणि Naseeruddin Shah यांसारख्या दिग्गज कलाकारांच्या यात प्रमुख भूमिका होत्या. जरी जग आमीरचा पहिला चित्रपट Qayamat Se Qayamat Tak मानत असले, तरी त्यापूर्वी सहा वर्षे आधी होली मधून त्याने आपला ठसा उमटवला होता. एका गंभीर विषयावरील चित्रपट आणि आमीरचे पहिले पडद्यावरील चुंबन यामुळे हा चित्रपट सिनेसृष्टीच्या इतिहासात महत्त्वाचा ठरतो.

Holiचे चित्रीकरण प्रामुख्याने Film and Television Institute of India (FTII), पुणे आणि Fergusson College, पुणे यांच्या कॅम्पसमध्ये करण्यात आले. फर्ग्युसन कॉलेजचे आय कॉनिक वडाचे झाड नुकतेच पडले होते आणि फर्ग्युसन कॉलेजमध्ये शिकलेल्या Ketan Mehta यांनी तात्काळ कल्पना लढवून, मुख्य पात्रांना झाडावर बसवून एका प्रतीकात्मक व्यवस्थेच्या पतनाबद्दल गाणे चित्रित केले. संपादन, ध्वनीमुद्रण आणि मिक्सिंग एफटीआयआयमध्ये करण्यात आले. हा चित्रपट विद्यार्थी प्रकल्पाचा एक भाग होता. चित्रपटात श्रेय दिलेल्या एफटीआयआयच्या सहभागी विद्यार्थ्यांमध्ये भविष्यातील सिनेमॅटोग्राफर Anil Mehta आणि Piyush Shah, आणि चित्रपट निर्माते Rajan Khosa आणि Anant Balani यांचा समावेश आहे.

thsi blog was originally published on https://kalakrutimedia.com/aamir-khan-kitu-gidwani-and-their-forgotten-lip-lock-kiss/